ҚТЖ: Қазақстан-Қытай I Көлік форумында стратегиялық құжаттарға қол қойылды

"ҚТЖ" ҰК" АҚ Астанада өткен Қазақстан – Қытай I Көлік форумына қатысты. Іс-шара барысында Басқарма төрағасының логистика жөніндегі орынбасары Ерлан Қойшыбаев екі ел арасындағы теміржол көлігімен тасымалдау динамикасы тұрақты оң өсімді көрсетіп отырғанын атап өтті.

2024 жылдың қорытындысы бойынша ҚР мен ҚХР арасындағы тасымалдау көлемі 2023 жылдың сәйкес кезеңімен салыстырғанда 13% - ға өсіп, 32 млн тоннаны құрады, бұл тарихи ең жоғары деңгейге айналды. 10 жыл ішінде қытайлық темір жолдарымен белсенді өзара әрекеттесудің арқасында жүк тасымалы 4,5 есе өсті.

Қазіргі уақытта Достық – Мойынты темір жол учаскесінде екінші жолдарды, Алматы аумағын айналып өтетін темір жол тармағын, Дарбаза – Мақтаарал темір жол желілерін, Бақты – Аягөз жиынтығында 1300 км жаңа темір жол жолдарын салу жобалары іске асырылуда. ҚР және ҚХР экономикалары үшін стратегиялық маңызы бар Транскаспий көлік бағдары дамуда.

2024 жылдың қорытындысы бойынша Қытайдан 358 контейнерлік пойыз жүрді, бұл 2023 жылға қарай 33 есе өскенін көрсетті. ҚТЖ ҚХР-дағы әріптестерімен бірлесіп ҚР - ның негізгі өңірлерінде және шетелде жаңа терминалдар салып, қолданыстағы терминалдарды дамытуда-Ляньюньган портындағы (ҚХР) қазақстан-қытай терминалы; Орталық Азиядағы ең ірі Құрғақ порт KTZE-Khorgos Gateway; Мемлекет басшысының қатысуымен салтанатты түрде ашылған Сиандағы (ҚХР) терминалы атап өтілді.

Сондай-ақ, Алят портында (Әзірбайжан) интермодальды терминал салу жоспарлануда. Алматы қаласында логистикалық орталықты (ГТС-2) пайдалануға беруге дайындалуда. Сонымен қатар, қытайлық серіктестермен бірге Селятинода (РФ) және Свислочь станциясында (Беларусь) жобалар бойынша жұмыс жүргізілуде.

Бұдан өзге, форумда "Порт Құрық" ЖШС ("ҚТЖ" ҰК" АҚ еншілес ұйымы) және Qingdao Port International (ҚХР) компаниясының басшылары өзара түсіністік туралы меморандумға қол қойды. Ал KTZ Express өкілдері Ляньюньган порты, COSCO Shipping Group және China Communications Construction Company (CCCC) сияқты логистика және инфрақұрылым саласындағы жетекші қытайлық компаниялармен ынтымақтастықты кеңейту перспективаларын талқылады. Бұл бастамалар Қазақстанның Еуразияның стратегиялық транзиттік торабы ретіндегі ұстанымын нығайтуға және халықаралық сауда талаптарына жауап беретін заманауи, тұрақты логистикалық инфрақұрылымды қалыптастыруға бағытталған.